|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Мәжіліс депутаты, "AMANAT" партиясы фракциясының мүшесі Темір Қырықбаев 24KZ телеарнасындағы "Күн тәртібі" бағдарламасына қатысып, елдегі инфрақұрылым, әсіресе ауылдық аймақтарды электрмен қамтамасыз ету мәселесін көтерді, - деп хабарлайды Dauletten.kz.
Депутаттың айтуынша, кейбір ауылдар әлі күнге дейін жарықсыз отыр. Ол Түркістан облысының Қазығұрт ауданындағы он екі ауылдық округке қатысты жобаның дайындалып жатқанын жеткізді. Жамбыл облысында да осындай жағдай кездесетінін атап өтті.
Қырықбаев тек ірі жобаларға назар аудармай, ең алдымен ауылдық елді мекендердегі инфрақұрылымдық мәселелерді шешу маңызды екенін сөзетті. Мәселен, Сарыағаш ауданында үш жыл бойы электр қуатының тапшылығына байланысты балық шаруашылығы жобасы тоқтап тұрған. Бұл мәселе тек өткен жылы ғана шешімін тапқан.
– Өңірлердегі басты мәселелерді бірінші кезекте шешу керек. Ауылдарда әлі күнге дейін жарықсыз отырған елді мекендер бар. Бизнесті дамыту үшін инфрақұрылымды қамтамасыз етуіміз қажет, – деді Темір Қырықбаев.
