|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Елордада 4 және 5 мамыр күндері қалалық емханаларда сағат 9:00-ден 14:00-ге дейін Дүниежүзілік бронх демікпесімен күрес күніне арналған Ашық есік күні өтеді. Бұл туралы елорда әкімдігінің ресми сайтына айтылды, деп хабарлайды Dauletten.kz.
Бүгінде әлем бойынша 339 миллионнан астам адам демікпемен ауырады. Бұл дүниежүзілік денсаулық сақтау ұйымының ресми мәліметі. Демікпені толықтай емдеу мүмкін емес, бірақ ауруды бақылауда ұстап, қолайлы өмір сүруге болады.
Қала тұрғындары күні бойы денсаулықты кешенді зерттеу шеңберінде бронх демікпесінің өршу қаупі факторларын анықтай алады: антропометриялық деректерді өлшеу (бойы, салмағы, дене салмағының индексі), қандағы глюкоза мен холестерин деңгейін анықтау, қан қысымының деңгейі, тыныс алу жүйесінің қызметін бағалау (спирометрдің көмегімен) және т.б. қызметтер арқылы профилактикалық зерттеуден өтеді.
Шара 4 мамыр күні №4, 5, 6, 10 қалалық емханаларда, 5 мамыр күні №7, 8, 9, 13 қалалық емханаларда ұйымдастырылады.
