|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
19 ақпаннан бастап Астанада Тұран даңғылы бойында, Сығанақ көшесінен Қорғалжын тас жолына дейінгі аралықта, жүргізушілерге екі бағытта да автобус жолағымен жүруге уақытша рұқсат берілді, - деп хабарлайды Dauletten.kz.
Әкімдіктің мәліметінше, бұл шешім “Астана Опера” опера және балет театры маңындағы Қонаев көшесінде орналасқан жерүсті жаяу жүргіншілер өткелін қайта құрумен байланысты.
Уақытша өзгерістер Тұран даңғылындағы көлік жүктемесін азайту мақсатында енгізілді. Қала тұрғындары мен қонақтарынан бұл өзгерістерді ескеріп, маршруттарын алдын ала жоспарлау сұралады. Қонаев көшесінің жабық бөлігін айналып өту үшін көлік қозғалысы Достық және Сарайшық көшелері арқылы қамтамасыз етіледі.
Еске сала кетейік, Қонаев көшесінің Қабанбай батыр даңғылынан Тұран даңғылына дейінгі бөлігі 30 қазанға дейін жабық болады. Жерүсті жаяу жүргіншілер өткелі құрылысы аяқталғаннан кейін барлық жол белгілері қалпына келтіріледі.
