|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Астанада екі тұрғын АҚШ-тан пошта арқылы есірткі заттарына тапсырыс беріп, оларды таратқаны үшін 8 және 18 жылға бас бостандығынан айырылды. Қаржылық мониторинг агенттігінің елордалық департаменті аса ірі мөлшерде есірткі мен психотроптық заттарды халық тұтынатын тауарлар түрінде жеткізу дерегін анықтады, - деп хабарлайды Dauletten.kz.
Кедендік бақылау аймағындағы уақытша сақтау қоймасында қызметтік-іздестіру итін қолдана отырып, тексеру жүргізу барысында салмағы шамамен 1 келі болатын “гашиш” есірткі заты табылып, тәркіленді.
Соталды тергеу кезінде мониторинг “Қазпошта” АҚ-ның қалалық филиалдарының бірінде сол алушыларға арналған тағы бір сәлемдеме келгенін анықтады.
- Сәлемдемеде салмағы 7 грамнан асатын тетрагидроканнабинол және оның изомерлері сияқты күшті психотроптық заттар табылды. Сондай-ақ, айыпталушылардың бірінің пәтерін тінту барысында есірткі заттары, орауыш материалдары және таразы тәркіленді. Сот үкімі бойынша күдіктілердің екеуі де кінәлі деп танылып, орташа қауіпсіздік колониясында 8 және 18 жылға бас бостандығынан айырылды, – делінген хабарламада.
Жыл басынан бері есірткі контрабандасы мен заңсыз айналымына қатысты 116 қылмыстық іс тіркеліп, 57,3 келі есірткі, 1,7 келі психотроптық заттар, 206 мың дана улы анаболиктер және 1 680 дана “Тропикамид” көз тамшылары тәркіленген.
