|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Әскерге шақырылған жастар үшін "кредиттік демалыс" беріледі, - деп хабарлайды Dauletten.kz.
Қорғаныс министрлігі осы бастаманы іске қосып, қазіргі таңда 17 мыңнан астам әскери қызметшіге 6,6 млрд теңге көлемінде негізгі қарыз бен сыйақы төлемдері бойынша жеңілдік бергенін хабарлады.
Бұл шара мерзімді әскери қызметтегі сарбаздарға борышын өтеу кезінде несие төлемдерін уайымдамауға мүмкіндік береді. Меморандумды іске асыру аясында қаржы ұйымдары мен тиісті агенттікпен арнайы әрекет ету алгоритмі әзірленген. Шақыру науқаны барысында жиналған банк қарыздары мен микрокредиттер жөніндегі мәліметтер қаржы нарығын реттеу және дамыту агенттігіне жіберіледі. Осы деректер негізінде кредиторлар негізгі борыш пен сыйақы төлемдерін кейінге шегеру, сондай-ақ берешекті өндіріп алу бойынша барлық міндеттемелерді уақытша тоқтату мәселелерін қарайды.
Төлемдерді кейінге қалдыру кезеңінде несие берушілер сот ісін жүргізуді, берешекті өндіріп алу үшін нотариусқа жүгінуді, тұрғын үйді сатуды және қарыз алушының отбасын шығаруды тоқтатады. Сондай-ақ, бұрын шығарылған сот шешімдері негізінде берешекті өндіріп алу шаралары да жүзеге асырылмайды.
Әскерден кімдер босатылады?
Қарулы күштердің ұйымдастыру және жұмылдыру жұмыстары департаментінің әскерге шақыру және әскерден тыс жұмыстар басқармасының аға офицері, полковник Дәуренбек Шегебаев тікелей эфирде әскерден босатылатын санаттарды түсіндірді. Оның айтуынша, бұл мәселе «Әскери қызмет және әскери қызметшілердің мәртебесі туралы» заңның 26 және 35-баптарында көрсетілген.
35-бапқа сәйкес, азаматтарды әскерге шақыруды кейінге қалдыру туралы шешімді аудандық немесе облыстық маңызы бар қалалардағы шақыру комиссиясы қабылдайды. Мұндай шешім келесі төрт негіз бойынша қабылдануы мүмкін:
• отбасы жағдайына байланысты;
• білімін жалғастыру мақсатында;
• денсаулық жағдайына байланысты;
• басқа да негіздер бойынша.
