|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Ақтауда болған әуе апатының куәгерлері Қазақстан дәрігерлерінің кәсіби біліктілігі мен қамқорлығына ерекше ризашылығын білдірді, - деп хабарлайды Dauletten.kz сайты Report порталына сілтеме жасап.
Әзербайжандық Нурулла Сираджов апаттан кейінгі хал-ахуалын баяндап, дәрігерлерге ризашылығын білдірді.
– Саусағым сынған, гипс салынды, денемнің кей жерлері көгерген. Қазақстанда бізге керемет қамқорлық көрсетті. Мұнда да ерекше көңіл бөліп жатыр. Барлық жағынан ризамын. Бізге ең жоғары деңгейдегі көмек көрсетіліп жатыр, – деді ол.
Сонымен қатар ол өзінің жұбайының жағдайы туралы бейхабар екенін айтып, оны қатты сағынғанын жеткізді.
– Оның қайда және қандай жағдайда екенін білмеймін. Онымен кездесу мүмкіндігін тағатсыздана күтіп жүрмін. Ұшақта бірге болдық, алайда содан кейін оны көрген жоқпын, – деді Загатал ауданының тұрғыны.
Ұшақ апатынан аман қалған тағы бір әзербайжандық Самир Дарвишов өзінің тұрақты халде екенін айтып, дәрігерлерге шексіз алғыс білдірді. Ол апатқа дейін Грозныйға әкесімен бірге бауырын көруге және жұмыс іздеуге жол тартқанын айтты.
– Жағдайым қалыпты. Дәрігерлер барлық тексерулерден өткізді, бізге өте жақсы қамқорлық жасап жатыр. Қазақстандағы дәрігерлерге де шын жүректен алғысым шексіз, – деді ол.
Естеріңізге сала кетейік, 25 желтоқсан күні Бакуден Грозныйға бағыт алған Azerbaijan Airlines компаниясының Embraer 190 ұшағы Ақтау маңында апатқа ұшырады. Ұшақта 67 адам, оның ішінде 5 экипаж мүшесі болған.
