|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Анталиядан Астанаға бағыт алған рейс борттағы жолаушылар арасындағы төбелеске байланысты Эрзурум әуежайына шұғыл қонуға мәжбүр болды, деп хабарлайды Dauletten.kz.
Haberturk басылымының мәліметінше, оқиға түнгі сағат 02:00 шамасында болған. Екі қазақстандық әйел мен шетелдік жұп арасындағы дау жанжалға ұласып, арты төбелеске айналған.
Куәгерлердің айтуынша, бастапқыда тараптар тек сөз таластырған, бірақ көп ұзамай бір-біріне агрессия танытып, төбелесе бастаған. Ұшақ экипажы бірден диспетчерлерге хабар беріп, пилот жақын маңдағы әуежайға шұғыл қонуға рұқсат сұраған. Нәтижесінде лайнер Эрзурум әуежайына қонуға мәжбүр болды.
Қону барысында бортқа полиция қызметкерлері көтеріліп, жанжалға қатысқан төрт жолаушыны – үш әйел мен бір ер адамды ұстады. Қауіпсіздік мақсатында оларды бөлек медициналық мекемелерге тексеруден өткізіп, кейін полиция бөлімшесіне жеткізді.
Алдын ала мәлімет бойынша, ұсталған жолаушылар бір-біріне қарсы дене жарақатын келтіру бойынша шағым түсірген. Қазіргі уақытта полиция оқиғаның барлық мән-жайын анықтап жатыр.
Осы арада әуе кемесінің экипажы тәртіп бұзушыларды жерге қалдырып, рейсті жалғастырып, аман-есен Астанаға бет алды.
