|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Алматыда 27 жастағы ер адам жарнама тақтасын орнату кезінде 12-қабаттан құлап, алған жарақаттарынан оқиға орнында қайтыс болды, - деп хабарлайды Dauletten.kz.
Қайғылы оқиға қала орталығында орналасқан "Assem Plaza" тұрғын үй кешенінде болды.
Әлеуметтік желілерде тараған ақпарат бойынша, өнеркәсіптік альпинист 16 қабатты ғимараттың қасбетіне жарнамалық баннер орнату кезінде құлап кеткен.
Алматы қалалық Полиция департаментінің баспасөз қызметі оқиғаға қатысты мәлімдеме жасады.
Алмалы аудандық полиция бөлімі еңбек қауіпсіздігі ережелерінің бұзылуы салдарынан болған бұл қайғылы жағдай бойынша қылмыстық іс қозғады. Қазіргі уақытта тергеу шаралары жүргізіліп, оқиғаның барлық мән-жайы анықталуда, - деп хабарлады Алматы қалалық полиция департаментінің ресми өкілі Салтанат Әзірбек.
