Жаңалықтар

Алматыда екі жаңа саябақ аймағы пайда болады

13.02.2025

1 мин

0

118

Сурет: dknews.kz

Алматыда екі жаңа саябақ аймағы пайда болады, - деп хабарлайды Dauletten.kz.

Шаһар басшысы Ерболат Досаевтың айтуынша, 2025 жылдың маусым айында Кемел шағын ауданындағы 12 гектар аумақтағы жағалауды көркейту жұмыстары басталады, ал қыркүйекте Айнабұлақ шағын ауданында 10 гектарлық саябақ ретке келтіріледі.

Сонымен қатар әкім "Халық қатысатын бюджет" бағдарламасы аясында 2025 жылы қоғамдық кеңістіктерді, аулалар мен инфрақұрылымды көркейту бойынша 30 жобаның жүзеге асатынын жеткізді. 

Жетісу ауданына бөлінетін қаржы 1,9 млрд теңгеге артты. Бұл қаражат есебінен:

• Құлагер шағын ауданындағы 34 аула аумағы жөнделеді. 

• Мақатаев және Сүйінбай көшелерінде 3,9 км жаяу жүргіншілер аймағы көріктендіріледі. 

• 300 жарық бағанасы қалпына келтіріледі. 

• 6 мың шаршы метрден астам аумаққа гүл отырғызылады. 

• 9 ғимараттың қасбетіне сәулеттік жарықтандыру орнатылады.