|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Алмасадам Сәтқалиев жаңадан құрылған Атом энергиясы жөніндегі агенттіктің төрағасы болып тағайындалды, - деп хабарлайды Dauletten.kz.
- Мемлекет басшысының жарлығымен Алмасадам Майданұлы Сәтқалиев Қазақстан Республикасы Атом энергиясы жөніндегі агенттігінің төрағасы болып тағайындалды, сонымен қатар ол бұған дейін атқарған қызметінен босатылды, – делінген ресми хабарламада.
Бұған дейін Сәтқалиев еліміздің Энергетика министрі қызметін атқарған. Ол бұл лауазымға 2023 жылғы 4 сәуірде тағайындалған болатын. Оған дейін “Самұрық-Қазына” АҚ басқарма төрағасы болып жұмыс істеді. Сондай-ақ, “ҚазТрансОйл” АҚ, “KEGOC” АҚ және KAZENERGY ЗТБ сияқты ұйымдарда түрлі басшылық қызметтерді атқарған.
Айта кетейік, бұған дейін мемлекет басшысы “Қазақстан Республикасының мемлекеттік басқару жүйесін одан әрі жетілдіру жөніндегі шаралар туралы” жарлыққа қол қойған болатын. Осы жарлық негізінде Атом энергиясы жөніндегі агенттік құрылды.
