|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Үкімет отырысында Премьер-Министр Олжас Бектенов ауыл шаруашылығын цифрландырудың жеткіліксіз деңгейіне алаңдаушылық білдірді, - деп хабарлайды Dauletten.kz.
Жиын барысында Agritech Hub компаниясының негізін қалаушы Диана Душниязова сөз алып, компанияның астық пен жер өнімділігін бақылау үшін спутниктік деректер мен жасанды интеллект пайдаланатынын айтты. Бұл технологиялар дақылдардың өнімділігі мен баға динамикасын болжауға мүмкіндік береді.
- Өткен жылы жобалар екі елде іске асырылды: Өзбекстанның 8 облысында, сондай-ақ Түркістан және Жамбыл облыстарында. Биыл жоба Өзбекстанның бүкіл аумағын қамтып, кеңеюде, – деді Душниязова.
Осыған байланысты Олжас Бектенов қазақстандық технологиялардың шетелде кеңінен қолданылып, ел ішінде мардымды пайдаланылмай жатқанына наразылығын білдірді.
- Міне, Өзбекстан біздің технологияларды қолданып жатыр. Айдарбек Сейпеллұлы, бұл мәселеге назар аударыңыз. Өзбекстан қаржы бөліп, біздің IT мамандарымызбен жұмыс істеп жатыр. Ал сіз ше? Бұл технологияларды неге қолданбайсыз? Суды үнемдемейсіз бе? Оларды пайдаланып, суды үнемдеңіз, – деді Бектенов Ауыл шаруашылығы министріне.
Айта кетейік, бұған дейін Ауыл шаруашылығы министрі Айдарбек Сапаров Үкіметтен өсімдік шаруашылығын қадағалаудың жаңа ақпараттық жүйесіне қосымша 714 миллион теңге бөлуді сұраған болатын.
