|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Темір жол рельстерінде тұрып қалған жол талғамайтын көлікке байланысты пойыз машинисі шұғыл тежегішті басуға мәжбүр болды. Оқиғаның видеосы әлеуметтік желіде тарады, - деп хабарлайды Dauletten.kz.
"Қазақстан темір жолы" баспасөз қызметінің мәліметінше, оқиға 12 наурызда Медеу – Жетісу учаскесінде болған.
- 15:46-да Алматы-2 – Павлодар бағытына қатынайтын жолаушылар пойызының машинисі белгіленбеген жерден темір жолға шығып, рельсте тұрып қалған Toyota Land Cruiser маркалы көлікті байқап, дереу шұғыл тежегішті қолданды. Теміржолшылар жолаушылардың көмегімен көлікті қауіпсіз жерге шығарып, пойыз қозғалысын жалғастырды. Ал көлік жүргізушісі оқиға орнынан қашып кетті, – делінген ресми хабарламада.
Бұл жағдай пойыздың 16 минутқа кешігуіне себеп болған. Оқиға туралы полицияға хабар беріліп, тергеу басталды.
ҚТЖ дерегінше, 2025 жылдың қаңтар-ақпан айларында теміржол өткелдерінде автокөлік жүргізушілерінің жол қозғалысы ережелерін бұзуы салдарынан төрт жол-көлік оқиғасы тіркелген.
