|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Түркістан облысының Табиғат пайдалану және табиғи ресурстар басқармасына қарасты “Жасыл аймақ” КММ-нің бұрынғы басшысы сот үкімімен жазаланды, – деп хабарлайды Dauletten.kz.
Ресми ақпаратқа сәйкес, Түркістан қалалық соты облыстық табиғат пайдалану және табиғи ресурстар басқармасына қарасты “Жасыл аймақ” КММ-нің бұрынғы басшысы И. Бегасиловқа, оның орынбасары А. Ерназаровқа, КММ заңгері М. Айнабековаға және кәсіпкер И. Муслимовқа қатысты үкім шығарды.
Олар бюджет қаражатын жымқыру ісі бойынша кінәлі деп танылды. Тергеу барысында олардың техникалық талаптар мен сапа стандарттарына сай келмейтін арзан пестицидтер мен гербицидтерді сатып алу арқылы мемлекетке 14,9 миллион теңге залал келтіргені анықталды.
Сот шешімі бойынша, И. Бегасилов 2 жыл 6 айға бас бостандығынан айырылды. Ал А. Ерназаров, М. Айнабекова және И. Муслимов 2 жылға бас бостандығын шектеу жазасына кесілді. Сонымен қатар, сотталғандар өмір бойы мемлекеттік және квазимемлекеттік секторда қызмет ету құқығынан айырылды.
Айта кетейік, бұл сот үкімі әлі заңды күшіне енген жоқ.
Қазақстан Республикасы Конституциясының 77-бабы 3-тармағының 1-тармақшасына және Қылмыстық-процестік кодекстің 19-бабы 1-бөлігіне сәйкес, соттың заңды күшіне енген үкімі шыққанға дейін кез келген адам қылмыстық құқық бұзушылық жасауда кінәсіз деп танылады.
