|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
"XXI ғасыр көшбасшысы" тележобасы экран5f қайта оралады, - деп хабарлайды Dauletten.kz.
Алғаш рет 25 жыл бұрын көрермен назарына ұсынылып, көптің көңілінен ойып тұрып орын алған оқушылар арасындағы танымал "XXI ғасыр көшбасшысы" интеллектуалдық ойыны телеэкрандарға жаңа форматта қайта оралады. "Хабар" агенттігі мен республикалық ғылыми-тәжірибелік "Дарын" орталығы бірлесіп, мегажобаны қайта жаңғыртуға кірісті. Жоба көктемнен бастап "Хабар" эфирінде көрсетіледі.
Айта кетейік, Интеллектуалдық тележоба Қазақстан мәдениет және ақпарат министрлігі, оқу-ағарту министрлігі, ғылым және жоғары білім министрлігі, сондай-ақ Қазақстан парламентінің мәжілісі тарапынан қолдау тапты.
Қазірдің өзінде жүздеген дарынды оқушы шақыруды қабылдап, қызықты интеллектуалдық ойынның қатысушыларына айналды. Әр облыстағы іріктеу кезеңдері 2024 жылдың қазан айында басталып 2025 жылдың ақпан айына дейін жалғасады. Өңірлерден іріктелген ең үздік бес оқушы республикалық кезеңге қатысуға мүмкіндік алады, ол осы жылдың наурызынан бастап маусым айына дейін өтеді.
Жас дарындардың білімдері мен қабілеттерін жалпы бұқараға көрсетуге мүмкіндік беретін телевизиялық жоба "Хабар" агенттігінің 30 жылдығына орай өткізіліп отыр. Ең үздік үш жеңімпазға еліміздің жоғары оқу орындарында оқуға гранттар табысталады. Қазірдің өзінде Павлодар, Қарағанды, Абай, Ақмола, Түркістан, Жамбыл, Батыс Қазақстан, Шығыс Қазақстан, Ұлытау, Қызылорда, Атырау және Маңғыстау облыстарынан, сондай-ақ Астана және Шымкент қалаларынан республикалық турға қатысатын үздік бестіктер анықталды. Алматы, Ақтөбе, Жетісу, Солтүстік Қазақстан, Қостанай облыстарында және Алматы қаласында іріктеу кезеңдері қаңтар-ақпан айларында өтеді.
