|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қазақстанда Ұлттық қордан бөлінген қаражаттың жұмсалуына мониторинг жүргізу жөніндегі комиссия қызметін қайта жандандырды, - деп хабарлайды Dauletten.kz Жоғары аудиторлық палатаға сілтеме жасап хабарлайды.
Ведомство мәліметінше, комиссия алғаш рет 2014 жылы құрылып, Ұлттық банктің қарамағында жұмыс істеген. Ал 2020 жылдан бастап оның жұмыс органы Жоғары аудиторлық палатаға ауыстырылды. Мемлекет басшысының тапсырмаларын орындау аясында комиссия жаңа құрамда және жаңартылған форматта өз қызметін жалғастыруда.
Ұзақ үзілістен кейін, 21 ақпанда, Жоғары аудиторлық палатада комиссияның отырысы өтіп, оған премьер-министр Әлихан Смайылов төрағалық етті. Жиынға Президент әкімшілігінің, Ұлттық банктің, Бас прокуратураның, Сыбайлас жемқорлыққа қарсы іс-қимыл агенттігінің, Қаржы мониторингі агенттігінің, ҰҚК, Қаржы және Ұлттық экономика министрліктерінің өкілдері, сондай-ақ парламент мәжілісі мен сенатының депутаттары қатысты.
Отырыста комиссия төрағасы Әлихан Смайылов Ұлттық қор қаражатын жұмсаудың заңдылығы мен тиімділігін бақылау тәсілдерін жаңарту қажеттігін атап өтті.
- Комиссияның жұмысын қайта жандандыруымыз қажет. Ведомствоаралық өзара іс-қимылды күшейтіп, Ұлттық қор қаражатының мақсатты әрі тиімді пайдаланылуын бақылау аймақтарын нақты белгілеу керек, – деді ол.
Әлихан Смайыловтың айтуынша, қоғам Ұлттық қор қаражатының тиімді жұмсалуына ерекше мән беріп отыр, әсіресе, бұл “Ұлттық қор – балаларға” бағдарламасына қатысты.
- Ұлттық қордан алынатын трансферттер экономикалық қайтарым әкелуі тиіс. Бұл қаражат мемлекеттік маңызы жоқ шығындарға жұмсалмауы керек. Президент осыны қатаң тапсырды, – деді Жоғары аудиторлық палата төрағасы.
Алдағы кезеңге арналған негізгі міндеттер ретінде комиссия келесі басымдықтарды белгіледі:
Сонымен қатар, отырыста комиссия құрамын жаңарту, оның қызметін жаңа форматта регламенттеу және қорытындылардың сапасын арттыру мәселелері талқыланды.
Айта кетейік, Мемлекет басшысы Қасым-Жомарт Тоқаев 2023 жылғы қыркүйектегі Жолдауында Ұлттық қордың ерекше маңызына тоқталған болатын.
- Қор қаражатын ең алдымен еліміздің стратегиялық мақсаттарын жүзеге асыру үшін пайдалану қажет. Ол шетелдік қаржы институттарына қызмет етпеуі тиіс. Ұлттық қор – ұзақ мерзімді макроэкономикалық тұрақтылықты қамтамасыз ететін негізгі құрал. Сондықтан оны тиімді басқару маңызды, – деген еді президент.
