|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
23 наурызда Алматы қаласында Тазару күні мерекесіне орай "Алматы - біздің ортақ үйіміз!" акциясы өтті. Акция негізінде Турксіб жастары "Оңтүстік" саябақтағы сенбілікке қол ұшын берді, - деп хабарлайды Dauletten.kz.
Бұл шара экологиялық тазалықты сақтау және қала тұрғындарынына ортақ жауапкершілігін арттыру мақсатында ұйымдастырылып отыр. Акция барысында қатысушылар өздері тұратын аумақтар мен қоғамдық орындарда тазалық жұмыстарын жүргізіп, қаланың көркін арттыруға атсалысты.
Акцияның басты мақсаты – қаламыздың экологиялық жағдайын жақсарту, қоршаған ортаның тазалығын қамтамасыз ету және қала тұрғындарының экологиялық санасын ояту. Акцияға студенттер, оқушылар және түрлі жастағы қала тұрғындары белсене атсалысты. Қатысушылар алдымен қаланың әртүрлі аудандарында ағаш көшеттерін отырғызды. Жасыл желекті молайту – қаланың ауасын тазартудың және экожүйені сақтаудың бірден-бір жолы екенін барлығы жақсы түсінді. Әрі қарай, барлық қатысушылар қоқыс жинауға кірісті. Парктерде, скверлерде және көше бойларында шашылып жатқан қоқыстар жиналып, арнайы қаптарға салынды. Қаланы тазарту жұмыстарынан кейін ұйымдастырушылар барлығына қызықты ойындар мен экологиялық викториналар ұйымдастырды. Жеңімпаздарға естелік сыйлықтар табысталды.
Сенбілік өте көтеріңкі көңіл-күйде өтті. Бұл акция қала тұрғындарын біріктіріп, ортақ іске жұмылдырды. "Алматы – ортақ үйіміз" акциясы тек қаланы тазартып қана қоймай, сонымен қатар, әрбір тұрғынға тазалық пен экологияның маңыздылығын ұғындырды. Бұл шара алдағы уақытта да дәстүрлі түрде жалғасын табатынына сенім мол.
