|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Рубль мен теңгені тікелей салыстыру дұрыс емес, сондай-ақ Ресейге қарсы санкциялардың енгізілуі теңгенің әлсіреуін білдірмейді. Бұл туралы Ұлттық банк төрағасы Тимур Сүлейменов мәлімдеді, - деп хабарлайды Dauletten.kz.
Санкциялар аясында Қазақстанда банктердің жеке және шағын клиенттері арасында валюта операцияларына сұраныс артқан. Ұлттық банк өкілдері бұл жағдайды теңгенің әлсіреу мүмкіндігіне байланысты халық пен шағын және орта бизнес өкілдерінің алаңдаушылығымен түсіндіреді.
Ұлттық банк төрағасы Тимур Сүлейменов көптеген азаматтардың экономикалық талдау жасау қабілеті шектеулі екенін айтып, санкциялар теңгеге автоматты түрде әсер етеді деген пікірдің орынсыз екенін атап өтті.
– Бұл дұрыс талдау емес деп санаймын. Иә, Ресей – біздің ірі экономикалық серіктесіміздің бірі. Бірақ олардың өзіне тән қаржы жүйесі, артықшылықтары мен кемшіліктері, тәуекелдері мен қиындықтары бар. Қазақстанның да өзіне тән дербес жүйесі бар. Біз санкцияларға ұшыраған субъектілерден еркінбіз, қаржы нарығымыз тұрақты, банк секторы мен бағалы қағаздар нарығының көрсеткіштері жоғары деңгейде. Сондықтан рубль мен теңгені тікелей салыстыру орынсыз, – деді Сүлейменов.
Ұлттық банк басшысы кәсіпкерлерді эмоцияға берілмей, нарықтағы дүрбелеңге бой алдырмауға шақырды. Оның айтуынша, асығыс шешімдер шамадан тыс шығындарға әкелуі мүмкін.
Айта кетейік, бұған дейін Ресейдегі инфляцияның жеделдеуі Қазақстан экономикасына қысым түсіріп жатқаны хабарланған.
