|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қырғызстан, Тәжікстан және Өзбекстан арасындағы шекара мәселесі шешімін тапты. 31 наурызда үш елдің президенттері Худжандта кездесіп, мемлекеттік шекаралардың түйісу нүктесі жөніндегі келісімді бекітті. Сонымен қатар, мәңгі достық туралы декларацияға қол қойды, - деп хабарлайды Dauletten.kz.
Телеарна мәліметінше, мемлекет басшылары қажетті құжаттарға Тәжікстанның Худжанд қаласында өткен саммитте қол қойды. Үш елдің шекараларының түйісу нүктесі – Өзбекстанның Ферғана, Қырғызстанның Баткен және Тәжікстанның Соғды облыстарының шекаралас аймағында орналасқан. Бұл орынды анықтау жөніндегі келіссөздер 17 жыл бұрын басталып, тараптар тек өткен жылы ғана ортақ шешімге келді. Биыл қаңтарда осы жерде үш ел басшылары кездесіп, Өзбекстан президенті ескерткіш орнатуды ұсынған, ал әріптестері бұл бастаманы қолдаған еді.
2022 жылы Қырғызстандағы Кемпір-Абад (Андижан) су қоймасы Өзбекстанға өтті, ал ресми Ташкент есесіне шекаралас аумақтарды берген. Кейін Қырғызстан мен Тәжікстан да кейбір жерлерді алмастырып, су нысандарын ортақ пайдалануға келісті. Осы келісімге 13 наурызда Бішкекте Садыр Жапаров пен Эмомали Рахмон қол қойды. Ал 31 наурызда Худжандтағы кездесу барысында екі ел басшылары құжаттарды ресми түрде алмасты.
Мемлекет басшылары бұл келісімнің әр елдің аймақтық тұтастығы мен егемендігін құрметтеуді білдіретінін және Орталық Азиядағы тиімді серіктестіктің үлгісі болатынын атап өтті. Сондай-ақ, құжат экономикалық байланыстарды нығайтуға, инфрақұрылымдық жобаларды жүзеге асыруға және өңірдегі туризмді дамытуға ықпал ететіні айтылды.
