|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қазақстанның бірнеше өңірінде бір түнде бірнеше көлік өртке оранды. Кейбір көліктер толығымен жанып кеткен, - деп хабарлайды Dauletten.kz.
Жезқазғанда Анаркулова көшесінде автокөліктің мотор бөлігі отқа оранды.
- Оқиға орнына жедел жеткен құтқарушылар мотордағы жалынды өшіріп, көлікті толығымен жанып кетуден сақтап қалды. Өрт шыққаны туралы қоңырау түскен сәттен бастап 16 минут ішінде өрт сөндірілді. Зардап шеккендер жоқ, оқиғаның себептері анықталуда, – делінген хабарламада.
Шығыс Қазақстан облысы Глубокое ауданы Белоусовка кентінде де тұрғын үй аумағында тағы бір көлік өртенді.
- Құтқарушылардың жедел әрі үйлесімді әрекетінің арқасында өрт толығымен сөндірілді. Зардап шеккендер жоқ, себебі анықталуда, – деп мәлімдеді ТЖМ.
Астанада Республика және Сейфуллин көшелерінің қиылысында жеңіл көлік қозғалыс кезінде өртенді. Мотор бөлігінен басталған жалын салондағы жанғыш бөлшектерге таралды. Өртсөндірушілер дер кезінде әрекет етіп, өртті шағын алаңда тоқтатып, мүлікті сақтап қалды.
Оқиға орнына келген мамандар өртке оқпан беріп, жанып жатқан көлікті көбікпен сөндірді.
