|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қазақстанда енді жолаушылар пойыздарының қозғалысын нақты уақыт режимінде бақылау мүмкіндігі пайда болды, - деп хабарлайды Dauletten.kz.
“Жолаушылар тасымалы” АҚ жолаушылар үшін “Пойыз қозғалысының онлайн тақтасы” атты жаңа цифрлық сервисті іске қосты. Оның көмегімен жолаушылар нақты уақыт режимінде пойыздардың келу және кету уақытын бақылап, қозғалыс кестесіндегі өзгерістер туралы жедел ақпарат ала алады.
Қызмет “Жолаушылар тасымалы” АҚ Ситуациялық орталығының базасында әзірленген. Орталық тәулік бойы жолаушылар пойыздарының қозғалысын бақылап, мониторинг жүргізеді. Пойыздарға орнатылған GPS-трекерлер деректерді автоматты түрде орталыққа жіберіп, пойыздардың нақты орналасқан жерін анықтауға және қозғалыс кестесін жедел жаңартуға мүмкіндік береді.
Жаңа сервис жолаушыларға bilet.railways.kz ресми сайтында қолжетімді. Ақпарат алу үшін:
1. bilet.railways.kz сайтына кіру қажет.
2. “Пойыз қозғалысының онлайн тақтасы” баннерін басу керек.
3. Картадан қажетті пойызды таңдау қажет.
4. Қызметке tablo-railways.kz сайты арқылы да қол жеткізуге болады.
Бұл сервис жолаушыларға пойыздардың қозғалысын картадан бақылауға (пойыз қызыл түспен белгіленеді), таңдалған станциядағы келу және жөнелту уақытын көруге, барлық аялдама станцияларын, олардың күту уақытын және межелі бекетке шамамен келу уақытын білуге мүмкіндік береді.
Tablo-railways.kz сайтында сондай-ақ пойыз билеттерін онлайн сатып алу, электронды отырғызу талонын алу, орындарды қайтару, пойыздардың ағымдағы кестесін қарау және жүк тасымалының құнын есептеу секілді қосымша қызметтер қолжетімді.
- Ұлттық тасымалдаушы жолаушыларға сапалы әрі ыңғайлы қызмет көрсетуге басымдық береді. Осыған байланысты сервис жұмысына қатысты ұсыныстар мен пікірлерді қабылдау жүйесі іске қосылған. Жолаушылар өз ескертулері мен тілектерін сайттағы “Кері байланыс” бөлімі арқылы қалдыра алады, – деп мәлімдеді ҚТЖ өкілдері.
