|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Алматы облысында заңсыз табылған ақшаны криптовалютаға айналдырумен айналысқан ұйымдасқан топтың әрекеті әшкереленді, - деп хабарлайды Dauletten.kz.
Облыстық полиция департаментінің мәліметінше, тергеу барысында дропперлер, жетекшілер және схеманың менеджерлері бар 20-дан астам адамның бұл іске қатысы бар екені анықталды.
- Қатысушылар әрқайсысы 5-7 банк шотын пайдаланып, әрбір транзакциядан 1-3 пайыз көлемінде пайда тапқан. Жаңа дропперлер Telegram-арналар арқылы тартылған. Жедел шаралар нәтижесінде 8 миллион теңгеден астам қаржының қозғалысы тоқтатылды, ал схеманы ұйымдастырушының ай сайынғы айналымы 100 миллион теңгеден асатын криптоәмияны анықталды. Қазіргі уақытта банктерден қаржылық операциялар туралы мәліметтер алу үшін тиісті сұраулар жолданып, табылған активтерді тәркілеу мәселесі қаралуда, – деп мәлімдеді полиция.
Жедел іздестіру шаралары барысында үш куратор, бір менеджер және үш дропперлер үйлестірушісі ұсталды. Барлығы уақытша ұстау изоляторына қамалған.
Полиция азаматтарды сақ болуға шақырып, бейтаныс адамдардан банк шоттарын ашу немесе күмәнді қаржылық операцияларға қатысу туралы ұсыныстардан бас тартуға кеңес берді.
Мұндай әрекеттер алаяқтық схемаларға қатысу ретінде қарастырылып, қылмыстық жауапкершілікке әкелуі мүмкін. Егер сіз осындай әрекеттердің құрбаны немесе куәгері болсаңыз, дереу полицияға хабарласу қажеттігі ескертілді.
Дроп немесе “ақша мулы” – бұл алаяқтардың ұрланған қаржысын заңсыз түрде тасымалдауға өз банк картасын пайдалануға келіскен адам. Ол заңсыз алынған ақшаны түрлі шоттарға аударып, соңында ұйымдастырушыға сыйақы үшін жеткізеді.
