Жаңалықтар

Қазақстанда шетелдік банктер ашылуда

03.03.2025

1 мин

0

108

Сурет: ADCB

Қазақстанда шетелдік банктердің филиалдары мен еншілес ұйымдарын ашу жоспарлары туралы Қаржы нарығын реттеу және дамыту агенттігі (ҚНРДА) мәлімдеді, - деп хабарлайды Dauletten.kz.

Халықаралық инвесторларды тарту мақсатында ҚНРДА мен Ұлттық банк Қытай, Оңтүстік Корея, Біріккен Араб Әмірліктері және Еуропаның қаржы реттеушілері мен ірі банктерімен келіссөздер жүргізген.

Нәтижесінде, Қазақстанның банк секторына Оңтүстік Кореяның BNK Financial Group, Біріккен Араб Әмірліктерінің Abu Dhabi Commercial Bank және Қатардың Lesha Bank сияқты халықаралық қаржы институттары кірді.

Агенттіктің мәліметінше:

• 2024 жылғы 12 маусымда BNK-ға микроқаржы ұйымынан екінші деңгейлі банкке айналу үшін қайта ұйымдастыруға рұқсат берілді.
• 2024 жылғы 9 қазанда Abu Dhabi Commercial Bank "Исламдық Банк Al Hilal" АҚ акцияларын сатып алу мәмілесін аяқтап, 21 қазанда банк атауы "Исламдық Банк ADCB" АҚ болып өзгертілді.
• 2024 жылғы 8 қазанда "Бәйтерек" холдингі мен Қатардың Lesha Bank арасында Bereke Bank АҚ-ның 100% акциясын сату мәмілесі аяқталды. Қазіргі уақытта банк атауын Lesha Bank LLC (Public) деп өзгертуге байланысты лицензияны қайта рәсімдеу үдерісі жүріп жатыр.

Шетелдік банктерді тарту мақсатында заңнамалық өзгерістер әзірленуде. Оған сәйкес, шетелдік банктердің филиалдары мен еншілес ұйымдарын ашу талаптары жеңілдетіліп, қажетті құжаттар саны қысқартылады, ал филиалдарға рұқсат етілген операциялар аясы кеңейеді.

ҚНРДА-ның мәліметінше, қазіргі уақытта шетелдік банктерден жаңа филиал немесе еншілес банк ашу бойынша басқа өтініштер түскен жоқ.