|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Көптің көкейіндегі сұрақтарға жауап беріп жүрген танымал имам Нұрлан Байжігітұлы бұл жолы да оқырмандарын толғандырған мәселеге тоқталды, - деп хабарлайды Dauletten.kz.
Оның айтуынша, кей адамдар сенбейтін үш нәрсе өзара тығыз байланысты.
- Үш нәрсе қатар жүреді: сиқыр, көз тию, жын кіру — үшеуі де бір санатқа жатады. Олардың диагнозы да, салдары да бірдей. Қазіргі уақытта сиқырдың ең жиі кездесетіні — отбасыларға жасалатын зиян. Ерлі-зайыптыларды ажырату, біреудің көңілін өзіне бұру немесе үй ішіндегі татулықты бұзу мақсатында жасалатын сиқырлар көбейді. Мұндай сиқырлар адамға ерекше әсер етеді: екі адам екі жаққа кетсе, бір-бірінсіз тұра алмайды, бірақ бірге өмір сүруі мүмкін емес. Бір-біріне жер бетіндегі ең жаман жануардай көрініп, ақыры ауруға шалдығады. Ажалы жетсе — өледі, жетпесе — ауру күйінде қалады, — деп түсіндірді имам.
Сонымен қатар, имам соңғы уақытта жиі айтылып жүрген тылсым құбылыстардың ақиқаты жайлы да пікір білдірді.
- Қазір үйлерден, ағаштардан, көпірлердің астынан ине тәрізді шаншылған түрлі заттар табылып жатыр. Бұлардың көпшілігі — сиқырдың белгісі. Алғашқыда басқаша әсер ететін сиқыр уақыт өте күшейе түседі, кейде арада 10-15 жыл өткен соң ғана өз күшін көрсетеді. Оның салдарынан тіпті ағайын-туыс та бір-бірінен ажырап жатады. Сау адам жасамайтын оғаш әрекеттер байқалса, бұл — сиқырдың бар екенінің айқын дәлелі, — деді Нұрлан имам.
