|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Ішкі істер министрлігі “Заң мен Тәртіп” қағидаты аясында жұмысын жалғастыруда. Ел көлемінде “Дәрмек” республикалық жедел-профилактикалық іс-шарасы өтті, - деп хабарлайды Dauletten.kz Polisia.kz сайтына сілтеме жасап.
Бұл шара барысында прекурсорлар мен медициналық препараттарды пайдаланатын 900-ден астам ұйым тексерілді. Олардың қатарында 350 дәріхана, 85 қойма, 103 емдеу-профилактикалық мекеме және 362 кәсіпорын бар. Нәтижесінде сақтау, өткізу және тасымалдау талаптарын бұзған 248 адам әкімшілік жауапкершілікке тартылды, оның ішінде 116-сы — медицина қызметкерлері. Сондай-ақ есірткі құралдарымен жұмыс істеу ережелерін бұзғаны үшін 8 қылмыстық іс қозғалды. Жалпы көлемі 35 мың тонна прекурсор, 20 мың таблетка және құрамында психоактивті заттар бар 24 мың ампуланың заңсыз айналымына тосқауыл қойылды. Бұл туралы ІІМ есірткі қылмысына қарсы іс-қимыл комитеті төрағасының орынбасары Қуандық Әлжанов мәлімдеді.
Мәселен, Жамбыл облысында бір ұйымның прекурсорларды сақтау ережелерін бұзғаны анықталып, 34 мың тоннадан астам күкірт қышқылы тәркіленді. Әкімшілік іс қозғалып, ұйым қызметі тоқтатылды. Ал Ақтөбе облысындағы медициналық мекемені тексеру кезінде есірткі құралдарын сақтау және есепке алу тәртібінің бұзылғаны белгілі болды, нәтижесінде фармацевтке қатысты қылмыстық іс қозғалды.
- ІІМ есірткі мен прекурсорлардың заңды айналымына қойылатын талаптарды бұзу әкімшілік және қылмыстық жауапкершілікке әкеп соғатынын ескертеді, — деді Қуандық Әлжанов.
