|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Электронды темекіні шекара арқылы өткізген шетелдік азамат бас бостандығынан айырылды. Бас прокуратураның мәліметінше, шекара бекетінде жүргізілген тексеру барысында автокөліктің жүк салғышынан “WAKAsoPro20000” маркалы 4 550 дана электрондық тұтыну жүйесі табылған, - деп хабарлайды Dauletten.kz.
- Бейнеу аудандық соты шетелдік азаматты вейптерді елге заңсыз әкелгені үшін Қылмыстық кодекстің 301-1-бабының 2-бөлігі бойынша кінәлі деп танып, оған 1 жылға бас бостандығынан айыру жазасын тағайындады. Сот үкімі заңды күшіне енгеннен кейін тәркіленген тауарлар жойылды, – делінген хабарламада.
Айта кетейік, Қылмыстық кодекстің 301-1-бабы темекі бұйымдарының, электрондық тұтыну жүйелерінің (вейптердің), сондай-ақ оларға арналған хош иістендіргіштер мен сұйықтықтардың айналымына қатысты жауапкершілікті қарастырады. Құқық бұзушылықтың ауырлығына байланысты айыппұл, түзеу жұмыстары, қамауға алу немесе екі жылға дейін бас бостандығынан шектеу не айыру жазасы тағайындалуы мүмкін.
Маңғыстау облысының прокуратурасы электронды тұтыну жүйелерін сату және тарату қылмыстық жауапкершілікке әкеп соғатынын ескертеді.
