|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Жамбыл облысында 1152 кәсіпкерлік жоба қаржыландырылды. Бұл туралы Жамбыл облысының әкімі мәлім етті, - деп хабарлайды Dauletten.kz.
Биыл Жамбыл өңірінде ШОБ дамытуға 16,6 млрд теңге бөлінді. 31 млрд теңгеге 1152 жоба қаржыландырылды. Бизнесті дамытуға облыстың қаржы институттарымен 38,6 мың кәсіпкерге 154 млрд теңге несие берілді. Нәтижесінде шағын және орта бизнес субъктілерімен шығарылған өнім көлемі 23,9%-ға артты. Жұмыс істеп тұрған субъектілер саны 107 мың бірлікті, онда жұмыспен қамтылғандар саны 165 мың адамды құрады. Жамбыл облысының әкімі Ербол Қарашөкеев ОКҚ алаңындағы есептік кездесуде осылай деді. Шағын және орта кәсіпкерліктің жалпы қосылған құны 330 млрд теңгені, ЖӨӨ-дегі үлесі - 23,5%-ды құрады.
- 2025 жылы өндіріс көлемін 1,2 трлн теңгеге арттыру, жұмыс істеп тұрған шағын және орта бизнес субъектілер санын 110 мыңға, онда жұмыспен қамтылғандар санын 168 мыңға, жалпы қосылған құн көлемін 900 млрд теңгеге дейін жеткізу жоспарлануда, - деді облыс әкімі.
