|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Астанада “Жұлдызай” және “Аяулым” қаржы пирамидаларын құру ісі бойынша сот үкімі шықты, – деп хабарлайды Dauletten.kz.
Қаржылық мониторинг агенттігінің Астана қаласы бойынша департаменті жүргізген тергеу барысында күдіктілер әлеуметтік желілерде өзін табысты кәсіпкер ретінде таныстырып, азаматтарға тендерлерге қатысу арқылы жылдам пайда табу схемасын ұсынғаны анықталды. Инвестицияның ең төменгі мөлшері 1 миллион теңгеден басталып, 40 күн ішінде табыс 90 пайыздан асады деп уәде етілген. Сонымен қатар, салымшылар жаңа қатысушыларды тартқан жағдайда, олардың жарнасынан 10 пайыз қосымша пайда алған.
Бұл қаржы пирамидасына 60 адам тартылып, жалпы шығын 490 миллион теңгеден асты. Күдіктілердің бірі жиналған қаражатқа елорданың премиум санатындағы 69,5 миллион теңгелік пәтер сатып алып, оны қайын енесінің атына рәсімдеген. Алайда, сотқа дейінгі тергеу басталғанын білген соң, мүлікті тәркілеуден жасыру мақсатында үшінші тұлғаға қайта рәсімдеген. Тергеу барысында бұл мәміленің жалған екені дәлелденіп, сот шешімімен мүлікке тыйым салынды. Сондай-ақ, күдіктілер жәбірленушілерге 72 миллион теңге көлемінде шығын өтеген.
Соттың үкімімен қаржы пирамидасын ұйымдастырушылар ҚР ҚК 217-бабы 3-бөлігінің 2-тармағы (“Қаржы пирамидасын құру және басқару”) бойынша, ал олардың бірі қосымша ҚР ҚК 218-бабы 1-бөлігі (“Қылмыстық жолмен алынған ақшаны заңдастыру”) бойынша кінәлі деп танылды. Оларға 5 жылдан 7 жылға дейін бас бостандығынан айыру жазасы тағайындалды. Заңсыз жолмен алынған қаражатқа сатып алынған пәтер мен автотұрақ тәркіленіп, жәбірленушілердің азаматтық талаптарын өтеу үшін берілді.
