|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Әлеуметтік желілерде Астанадағы “Отбасы банк” бөлімшелерінде кезек күткен адамдардың суреттері тарады, – деп хабарлайды Dauletten.kz.
Банк клиенттері әуелі есік алдында жиналып, кейін ғимараттың ішін толтырған.
“Отбасы банк” өкілдері бұл жағдайды мемлекеттік сыйлықақы есептелгеннен кейін операциялардың қайта жандануымен байланыстырды. Банк мәліметінше, 2025 жылдың 5 қаңтарынан бастап тұрғын үй құрылыс жинақтары туралы келісімшарттарға өзгерістер енгізуге қатысты операциялар уақытша тоқтатылған. Бұл процесс салымшылардың шоттарына жыл сайын түсетін мемлекеттік сыйақыны дұрыс есептеу үшін қажет болған.
- Яғни, клиенттер депозиттерін біріктіру, бөлу, тарифтік бағдарламаны өзгерту және басқа да операцияларды орындай алмады. Демалыс күндері шоттарға мемлекеттік сыйақы түскеннен кейін салымшылар банк бөлімшелеріне келіп, “Отбасылық пакет” аясында депозиттерін біріктіруге, үшінші тұлғаларға беруге немесе баспана сатып алу үшін несие рәсімдеуге өтініш беруде, – деп түсіндірді банк.
Сонымен қатар, қаржы ұйымы мемлекеттік сыйақы аударылғанға дейінгі кезеңде постдепозиттік операциялардың уақытша тоқтатылуы жыл сайынғы қалыпты процесс екенін атап өтті. Бұл туралы банк өз клиенттерін ресми сайтында алдын ала хабардар еткен.
