|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Алматыда танысу сайттары арқылы ер адамдарды алдап, тонады деген күдікпен бір топ адам ұсталды, - деп хабарлайды Dauletten.kz Polisia.kz ақпараттық медиа-порталына сілтеме жасап.
Бұл іске қатысы бар деген күдікпен 26 адам қолға түсті. Басылымның мәліметінше, күдіктілердің әрекет ету тәсілі қарапайым, бірақ өте тиімді болған.
Қылмыстық схема бойынша, қыздар танысу сайттарында ер адамдардың назарын аударып, жеке кездесуге шақырған. Кездесу барысында олардың сыбайластары күтпеген жерден шабуыл жасап, жәбірленушілердің ақшасы мен бағалы заттарын тартып алған.
Алматы қалалық полиция департаментінің криминалдық полиция басқармасының бастығы Талант Исаевтың айтуынша, жедел-іздестіру шаралары барысында осындай алты қылмыс жасағанын мойындаған 26 күдікті ұсталған.
- Күдіктілердің барлығы қамауға алынды, тергеу амалдары жалғасып жатыр. Олардың басқа да қылмыстарға қатысы бар-жоғы тексерілуде. Мұндай әрекеттер тек жәбірленушілерге ғана емес, тұтастай қоғамға үлкен қауіп төндіреді, — деді Исаев.
Айта кетейік, бұған дейін полиция танысу сайттарын қылмыстық мақсатта пайдаланатын топтардың әрекеттері туралы ескертіп, интернет арқылы танысқан кезде сақ болуға шақырған.
