Жаңалықтар

Абай болыңыз: Астана құтқарушылары тұрғындарға ескерту жасады

27.03.2025

1 мин

0

107

Сурет: Астана әкімдігі

Астана құтқарушылары қала тұрғындарын сақтық шараларын сақтауға шақырды. Күннің жылынуына байланысты Есіл өзеніндегі мұз қарқынды түрде еріп жатыр, - деп хабарлайды Dauletten.kz.

Қазіргі уақытта мұздың қалыңдығы 43 см-ді құрайды, бірақ ол тез жұқара береді. Осыған байланысты Төтенше жағдайлар департаменті қауіпсіздік ережелерін қатаң сақтау қажеттігін еске салды.

Су айдындарында қайғылы жағдайлардың алдын алу мақсатында құтқарушылар күн сайын рейд жүргізіп жатыр. ТЖД мұздың еру кезеңінде келесі қауіпсіздік шараларын ұстануға кеңес береді:

• Жұқа мұз үстіне шықпаңыз;
• Түнгі уақытта және қолайсыз ауа райында мұзға бармаңыз;
• Мұздың беріктігін тебу немесе секіру арқылы тексеруге болмайды;
• Рұқсат етілмеген орындардан мұз арқылы өтпеңіз;
• Мұз үстінде от жағу қауіпті;
• Балық аулау кезінде екіден артық тесік бұрғыламаңыз;
• Төтенше жағдай кезінде эвакуацияға кедергі келтірмеу үшін жеке заттарды мұзда қалдырмаңыз;
• Қауіп төнген жағдайда дереу көмек сұрап, байланыс құралдарын өзіңізбен бірге ұстаңыз;
• Егер мұздың беріктігіне күмәніңіз болса, үстіне шықпаңыз;
• Бір адам үшін қауіпсіз мұз қалыңдығы кемінде 10 см болуы тиіс.

Кез келген төтенше жағдайда 112 нөміріне хабарласыңыз.